Ёзден адет
Этический кодекс карачаево-балкарцев

Нарт сёз
Джашаўубуз басиан

Категории раздела

История [53]

Религия [21]

Культура [29]

Политика и экономика [8]

Разное [28]

Стихи, поэмы и сказания [20]

Спорт [15]

Къарачай-малкъар (алан) тилде [23]

Карачаево-Балкарцы в исторических хрониках [28]

Известные люди [70]

Карачаево-Балкарская кухня [35]

Интернет [2]

Геродот [45]

Покупая Авиабилеты через наш сайт, вы помогаете нам оплачивать дальнейшее его содержание...

Реклама

Статьи

Главная » Статьи » Религия

Мухаммат файгъамбарны кёкге чыкъгъан хапары

____________________________________________________________ Бу зат реджеб айны 26-чы кечесинде болгъанды ____________________________________________________________ - Тынгылагъыз, айтаим Кёкге чыкъгъан сафарын. Эсигизде тутугъуз Файгъамбарны хапарын: «Бир баш кече Меккада Кесим джукълаб тургъанлай, Мен илгениб уяндым, Джабраил къычыргъанлай. Кёрдюм – мени къатымда Ёре туруб, Джабраил Айтды манга: «Я расул, Чакъырды Аллах сени, бил»… Чыкъдым эшик аллына, Къайгъы болуб, къоркъаракъ, Кёрдим ешик аллында Джер салыныб бир Буракъ. Мийик эди къадырдан, Атдан бираз гитчерек, Нюр джохардан къуралыб Юсюндеги ат керек. Кёрдюм аны джанында Ёре туруб бир мёлек, Айтды манга: «Я расул, Къабыл болду хар тилег. Минг атынга, я расул, Биз атланыб кетейик, Инша Аллах, бюгече, Джети кёкден ётеик». Мингдим анга – тарды ол, Аякъларын алдырыб, Кёз джетишген джерлеге Атламларын салдырыб. Биз ёрлесек тик ёрге, Мийик болуб арт джаны, Тигелесек энишге, Узун болуб ал джаны, Бир сагъатны ичинде Биз Къуддусха джетишдик, Файгъамбарла келдиле, «Салам-салам» этишдик. Файгъамбарла барысы Мени имамгъа салдыла, Эки ракагъат намазны Мени бла къылдыла Андан чыгъыб, Буракъны Бир тогъайгъа байладыкъ, Андан ёрге экибиз Джаяулукъну сайладыкъ. Мигъараджгъа чыгъыб, биз Джети кёкден ётгенде, Джети кёкден къутулуб, Сидратха джетгенде, Айтды манга Джабраил: «Мындан ёрге мен бармам, Изин болмай атласам, Ачымайын мен къалмам». Джабраилге мен айтдым: «Энди нечик этейим, Танымагъан джеримде Кесим къалай кетеим?» Джашил Раф-раф келгенде, Биз сёлеше тургъанлай, Къыйналмайын биз бардыкъ, Манга нёгер болгъанлай. Джашил Раф-раф бла мен Кёб джабыудан ётгенек, Кёб джабыудан къутулуб, Къаусайнагъа джетгенек. Биз джетгенлей, уллу Аллах Хар айтырын гъарз этди, Умметиме ол мени Элли намаз фарыз этди. Мусса бла кенгешиб, Хар ишими тындырдым, Къайтыб келиб, аланы Беш намазгъа джыйдырдым. Къайтыб келиб, Къуддусда Ала бла кёрюшдюм, Джатхан джерим сууумай, Мен Меккагъа джетишдим»… Тынч чыгъаргъа сюйсегиз Ёле туруб джаныгъыз, Маулут этиб, сиз анга Салауатла салыгъыз. Къыямат кюн сиз андан Шафагъатын алыгъыз, Джаханимни отундан Узакъ болуб къалыгъыз. Маула я салли уа салим Даиман абада Гъала хабибика Хайрилхалкъи куллихим. Маула я салли уа салим Даиман абада Гъала хабибика Хайрилхалкъи куллихим. Маула я салли уа салим Даиман абада Гъала хабибика Хайрилхалкъи куллихим. Сыйлы сюйген къулуна Рахмат этсин уллу Аллах, Ахлу асхабларына Разы болсун уллу Аллах. Маулут этген адамла – Биз – тилейбиз, я Аллах, Муну джазгъан адамны Гюнахларын кеч, Аллах. Биз джыйылгъан къулланы Джандет ахлу эт, Аллах. Амин, амин, я Аллах, Амин, амин, я Аллах. Бихурматилфатихат. ____________________________________________________________ Былайда Алхам сууура окъулады ___________________________________________________________ Набрала в электронном виде Магдиева Р.Х. по брошюре «Зикирле» , МП «Чолпан», 1991г,
Добавил: Апсаты (19.03.2015)
Просмотров: 4807 \| Рейтинг: 5.0/2 \|

Реклама от KARACHAYS

Всего комментариев: 0

Добавлять комментарии могут только зарегистрированные пользователи.
[ Регистрация | Вход ]

Ёзден адет

Нарт сёз

Категории раздела

Покупая Авиабилеты через наш сайт, вы помогаете нам оплачивать дальнейшее его содержание...

Реклама

Комментарии

Наша кнопка

Реклама

Статьи