Ай, къарнашла, тынгылагъыз,
Мындан оюм алайыкъ,
Анга ойлашыб, тюзелиб,
Джарыкъ бетден барайыкъ.
Бир адам умут этмесин
Бу дунияда джашаргъа,
Узакъ, узун хар заман
Дуниядагъын ашаргъа.
Расул кетген дуниядан
Амал табылмаз къалыргъа,
Файгъамбаргъа берилмеген
Эркинликни алыргъа.
Энди, джаным, къарагъыз
Бу дунияны халына:
Харам-халал айырмай,
Алданнганбыз малына.
Биз алдандыкъ дуниягъа,
Къалай болур халыбыз,
Айырылыб джаныбыз,
Топуракъ болур саныбыз.
Ахыратны унутдукъ,
Ашхы амал этмейбиз,
Аллах айтхан тюз джолда
Биз барыбыз кетмейбиз.
Келигиз, дин къарнашла,
Бу халланы къояйыкъ,
Харам ашны биз къоюб,
Халал ашдан тояйыкъ.
Бу дунияны артха атыб,
Ашхы амал этейик,
Гюнахланы кечдириб,
Бу дуниядан кетейик.
Аллах айтхан затланы
Биз барысын этейик,
Аны бла биз аны
Рахматына джетейик.
Умут этиб тилейбиз
Рахматынгдан биз сени,
Сыйлы болгъан файгъамбар,
Хатер этда, кеч бизни
«Салат-салам» айтабыз
Файгъамбарны джанына,
Асхаб-ахбаб ансаргъа,
Умметлени барына.
Салауатла салыгъыз
Шафагъатын алыргъа,
Уллу Аллахдан тилейбиз
Джарыкъ бетден барыргъа.
Аллах, Аллах, я Аллах,
Гюнахланы кеч, Аллах,
Аллах, Аллах, я Аллах,
Рахматынгы эт, Аллах.
Аллах, Аллах, я Аллах,
Тилеклени кёр, Аллах,
Аллах, Аллах, я Аллах,
Джандетлени бер, Аллах.
Маула я салли уа саллим
Даиман абада
Гъала хабибика
Хайрилхалкъи куллихим.
Маула я салли уа саллим
Даиман абада
Гъала хабибика
Хайрилхалкъи куллихим.
Маула я салли уа саллим
Даиман абада
Гъала хабибика
Хайрилхалкъи куллихим.
Джюреклени таза этиб,
Уллу Аллахха къайтыгъыз,
Ай, къарнашла, барыгъыз
«Аллах, Аллах» айтыгъыз.
Хар тилеги табылыр
Уллу Аллахха къайтханны,
Джандатлеге бош этер
«Аллах, Аллах» айтханны.
Зикирге сан бермейин,
Сиз кёб зикир этигиз,
Бу дунияда тохтамай
«Аллах, Аллах» этигиз.
Олду, гюнах къурутуб,
Муратлагъа джетдирлик,
Бармыд сизде, чакъырыб,
«Аллах, Аллах» этдирлик.
Уллуд зикир джарыгъы –
Сиз кёрмейсиз кёз бла,
Хар ауруудан сау болад
«Аллах, Аллах» сёз бла.
Сиратдан тынч ётмезсиз,
Аллах сизге ёт демей,
Бу дуниядан кетмегиз,
«Аллах, Аллах» кёб демей.
Амал джокъду джашаргъа,
Ол дуниягъа къайтмайын,
Джандетлени табмазсыз
«Аллах, Аллах» айтмайын.
Иман бла дин бла
Ол дуниягъа къайтайыкъ,
Кече-кюндюз тохтамай
«Аллах, Аллах» айтайыкъ.
Сират мизандан къутулуб
Джандетлеге ётейик,
Сабий къалмай, къарт къалмай
«Аллах, Аллах» этейик.
Инша Аллах, къутулуб,
Джандетлеге кетербиз,
Анда къалмай умметле
«Аллах, Аллах» этербиз,
Хар къайгъыдан къутулуб,
Джандетлеге джетишиб,
Хурла бла къычырыб,
«Аллах, Аллах» этишиб…
Сират мизандан къутулуб,
Джандетлеге киргенде,
Къалмай муъмин къычырыб,
«Аллах, Аллах» дегенде,
Къалдырмасын уллу Аллах
Биз джамалын кёрмейин,
Туура айланыб, биз анга
«Аллах, Аллах» демейин.
Амин, амин, я Аллах,
Амин, амин, я Аллах,
Амин, амин, я Аллах,
Амин, амин, я Аллах.
Бирахматика
Я архама ррахимин.
Набрала в электронном виде Магдиева Р.Х. по брошюре «Зикирле» , МП «Чолпан», 1991г.
|
